Ky serum nuk guxon të ketë kontakt me sytë! Me një tampon pambuku vëreni në qeska të syve.
Nëse bën kontakt me syrin, lajeni mirë me shumë ujë.
Për t’i zvogëluar ato qeska të mundimshme nën sy, pini mjaft ujë, por ekspertët e bukurisë këshillojnë të flini gjumë në shpinë, transmeton Telegrafi.
Përbërësit:
– Gjysmë limoni
– 1 fetë domateje.
Procedura:
– Në një enë të vogël përzieni lëngun e domates dhe lëngun e limonit
– Mos t’ju brengosin farat, sepse serumin gjithsesi do ta qitni me tampon pambuku dhe lehtë do t’i eliminoni farat
– Pastrojeni mirë fytyrën nga grimi
– Njomeni tamponin e pambukut në serum dhe me kujdes qiteni në qeska të syve
– Mos e fërkoni nëpër sy
– Përsëriteni procedurën edhe njëherë, në mënyrë që të jeni të sigurta që keni qitur mjaftueshëm serum
– Lëreni të veprojë 15 minuta, pastaj lajeni me ujë
– Lyeni me krem hidrante për fytyrë.
Përse ky serum është i mirë?
Limoni përmban antioksidante dhe vitaminën C, me të cilat e shkëlqeni lëkurën, ndërkaq domatja gjithashtu është plot antioksidante dhe vitamina B1, B2, B6, A dhe K, të cilat janë shumë të rëndësishme për kurën e qeskave të syve. /Telegrafi/
The post Keni këta artikuj në frigorifer, por nuk keni ditur t’i eliminoni qeskat e syve! appeared first on Telegrafi.